Universiteti i Sporteve të Tiranës ka përcaktuar datat e konkursit të pranimeve dhe emrat për fakultetin e Shkencave të Lëvizjes.
Sipas vendimit të senatit të universitetit, testi praktik do të nisë në këtë fakultet, ditën e sotme dhe do të mbyllet më datë 30 gusht.
Ndërkohë, në fakultetin e Veprimtarisë Fizike dhe Rekreacionit, konkursi do të zhvillohet në 28-30 gusht.
Në bazë të rregullores së re, këtë vit pesha e konkursit do të jetë më e lartë se vitet e tjera, pasi nga 50 për qind që ka qenë, tashmë është bërë 60%.
Pra, Universiteti i Sporteve për vitin e ri akademik 2016-2017 studentët do t’i pranojë në bazë të këtij kriteri, ku 60% të pikëve kandidati i merr nga testi praktik dhe 40% nga nota mesatare e gjimnazit, përfshi edhe provimet e maturës./r.a
