Adnan Januzaj raportohet se është informuar se përfundimisht nuk do të jetë pjesë e Manchester Unitedit për sezonin e ardhshëm.
Mesfushori shqiptar shkëlqeu në sezonin 2013-14 në Old Trafford, duke shënuar katër gola në 35 ndeshje nën udhëheqjen e David Moyesit.
22-vjeçari sezoneve të fundit ka pasur probleme me formë, duke kaluar në huazim te Dortmundi dhe më pas te Sunderlandi.
Tani trajneri Jose Mourinho e ka lënë atë jashtë turneut parasezonal, ndërsa “The Mirror” raporton se ai e ka informuar futbollistin se s’do të marrë fare numër në skuadër për sezonin e ri.
Real Sociedadi është ekipi që ka shprehur interesim për futbollistin, i cili pritet të kushtojë rreth 12 milionë funte, përgatiti Koha. (b.an)
