Trajneri i Manchester Unitedit, Jose Mourinho është në kërkim të një mesfushori kualitativ, pasi në fund të edicionit do të largohet mesfushori anglez, Michael Carrick.
Sipas soccernews.nl, Mourinho dëshiron mesfushorin holandez të Romës, Kevin Strootman, i cili ka kontratë me skuadrën italiane deri në vitin 2018.
Pavarësisht se ai ka vetëm edhe një vit kontratë, Roma nuk do të pranojë shitjen e tij, por Unitedi pritet të paguajë klauzolën e lojtarit, e cila është 40 milionë euro.
Po ashtu, Unitedi besohet se do të tentojë edhe transferimin e mesfushorit tjetër të Romës, Radja Nainngolan, i cili po kalon edicionin e tij më të mirë në karrierë.
