Pas vendimit të Presidentit të Republikës, Ilir Meta për të kthyer në Kuvendin draftin “anti-shpifje”, Unioni i Gazetarëve Shqiptarë përshëndet vendimin, duke theksuar se paketa u kundërshtua gjerësisht nga një sërë grupimesh të mediave.
“Unioni i Gazetarëve Shqiptarë përshëndet vendimin e Presidentit të Republikës Sh.T. Ilir Meta për kthimin për rishqyrtim në Kuvend të paketës së ashtuquajtur “Anti-shpifje”, e cila u refuzua gjatë nga UGSH, organizatat e tjera të gazetarëve brenda vendit, si dhe nga organizatat më prestigjioze ndërkombëtare. Ky vendim konfirmon drejtësinë e qëndrimit të organizatës sonë në këtë kauzë në mbrojtje të lirisë së shprehjes”, thuhet në reagim.
