Të dhënat e UNICEF për vitin 2017, treguan se në Shqipëri ka 6.2 vdekje të foshnjave për 1000 fëmijë të lindur. Raporti e rendit Shqipërinë në vendin e 35, në mesin e shteteve me të ardhura mbi mesatare. Kjo konsiderohet arritje per kushtet e Shqiperise.
Për ekspertët e shëndetësisë, mortaliteti tek foshnjat 0-1 vjeç dhe tek fëmijët nga 1-5 vjeç ka rënë ndjeshëm krahasuar me 5 vite me parë.
Burazeri: Lajmi është i mirë, ka një rënie të vdekshmërisë foshnjore, jo vetëm vitin e fundit por duke filluar që pas 2010, dhe dukshëm pas 2013 ka rënë. Rënia është tek të dyja gjinitë.
Genc Burazeri, nëndrejtori i ISHP, thotë se krahasuar me vendit e rajonit, Shqipëria lë pas Maqedonisë ku raportohet për 8.3 vdekje për 1000 fëmijë të lindur. Vendet që kanë bërë me tepër proges në këtë drejtim janë Sollvenia dhe Kroacia.
Burazeri: Padyshim që Shqipëria e ka këtë tregues më të lartë se vende të tilla si Sllovenia, po kështu edhe Kroacia. Ne krahasohemi me vendet e Ballkanit Perëndimor ku padyshim që jemi më mirë sesa Ish-Republika Jugosllave e Maqedonisë. Jemi të krahasueshëm me Serbinë.
Në lidhje me shtrirjen gjeografike, ekspertët e lidhin vdekshmëinë foshnjore me zonat e rurale, duke evidentuar shkaqet sociale-ekonomike dhe pamundësinë e shërbimeve shëndetësore.
Burazeri: E vërteta është që në zonat verilindore, veriore ka një indeks më të lartë jo vetëm të vdekshmërisë foshnjore por edhe asaj fëminore 0-5 vjeç. Kjo ka të bëjë me nivelin social ekonomik, me sasinë dhe shërbimin shëndetësor.
Rekomandohen prindërit ti besojnë sistemit shëndetësor dhe mjekëve specialistë.
Burazeri: Nënat duhet të kenë besim të stafi shëndetësor dhe në radhë të dytë duhet ti kontaktojnë.
UNICEF rekomandoi qeveritë se duhet të bejnë progres duke ecur përpara drejt një bote me mbulim shëndetësor universal, ku nuk ka më të porsalindur që humbasin jetën, nga një shkak i parandalueshëm, ndërsa autoritet tona vendase e vënë theksin në procesin e vaksinimit dhe kontaktet me mjekët e familjes. (OraNews)
