UNICEF dhe OBSH përmes një deklarate të përbashkët ritheksojnë se nuk ka absolutisht asnjë dëshmi të ndonjë lidhjeje në mes të vaksinave dhe autizmit apo çrregullimeve të spektrit artistik, transmeton Koha.net deklaratën.
UNICEF-i dhe OBSH-ja janë shumë të shqetësuara rreth artikujve të botuar kohët e fundit nëpër medie në të cilët përmendet një lidhje e mundshme mes vaksinave dhe autizmit. UNICEF-i dhe OBSH-ja ritheksojnë se nuk ka absolutisht asnjë dëshmi të ndonjë lidhjeje në mes të vaksinave dhe autizmit apo çrregullimeve të spektrit autistik.
Një studim i vitit 1998, i cili ka bërë një lidhje të mundshme në mes të vaksinës së fruthit-shytave-rubeolës (FShR) dhe autizmit më vonë është kuptuar se ka të meta serioze dhe më pas është diskredituar plotësisht; revista e cila e publikoi studimin e ka tërhequr atë.
Që atëherë, studime të shumta kërkimore të kryera në SHBA, Britani të Madhe dhe shumë vende të tjera kanë zbuluar se vaksinat nuk janë të lidhura në asnjë mënyrë me zhvillimin e autizmit ose me çrregullimet e spektrit autistik tek fëmijët.
Ngjashëm, nuk është gjetur ndonjë lidhje e mundshme në mes të komponenteve të veçanta të vaksinave të timerosalit ose merkurit ose vaksinave të kombinuara (fruthit, shytave dhe rubeolës ose FShR) dhe autizmit.
