Presidenti Ilir Meta vazhdon te përgjigjet përballë gazetarëve Denis Minga dhe Lorenc Vangjeli në “Kontrast” në Report Tv.
Meta ka deklaruar se nuk do të marrë kurrë një mandat të dytë në krye të shtetit. Ai tha se e pranoi këtë post atëherë kur vendi kishte nevojë, e ndërsa tani sipas tij problemi qëndron te opozita, duke lënë të nënkuptuar se do rikthehet në rolin e tij kundër qeverisë.
“E pamundur nga unë për ta pranuar, për arsye se nëse e pranova para 5 vitesh për t’i shërbyer vendit dhe i kam bërë shumë të mira, dhe nëse do të kisha një vazhdim në një vend të papërshtatshëm, ku problemi kryesor nuk e ka vendi te kreu i shtetit, por problemin kryesor e ka pasur te mos- ekzistenca dhe çoroditja e opozitës që i ka krijuar alibitë e duhura për të kapur të gjitha pushtet si asnjëherë tjetër. Unë do kem një mandat të dytë pas 25 viteve”, tha Meta.
Meta: Unë kam qenë presidenti më bashkëpunues me qeverinë
Ulja e toneve mes presidencës dhe mazhorancës, presidenti Ilir Meta tha se kjo ka ardhur për shkak se nuk pasur sulme nga ana e qeverisë. Ai e cilësoi veten si presidentin më bashkëpunues me qeverinë që ka pasur vendi.
“Sjellja ime ka qenë korrekt, shkak i konflikti nuk ka qenë presidenti, thjesht kemi përmbushur detyrat e tij, nëse presidenti i Gjermanisë thotë “që unë jam jo partiak, po jo asnjanjës kur bëhet fjala për demokracinë dhe do jem kundërshtar i atyre që punojnë kundër demokracisë”, tani në rrethanat e Shqipërisë, padyshim që kam pasur për detyre për të qenë në mbrojtje të rendit Kushtetues, te vota e lirë, pavarësia e institucioneve. Unë kam qenë në varësi të zhvillimeve dhe dinamikave të ndryshme dhe nuk ka pasur president më bashkëpunues me qeverinë, kur ajo ka pasur vullnet për të punuar dhe kur ka agresuar ndaj Kushtetutës, ne atë profesion kemi, s’mund t’i mbajmë duart lidhur”, tha Meta./m.j
