Nga ARTUR AJAZI
Në Shqipërinë tonë të vockël, kanë ndodhur dhe ndodhin çudira të mëdha. Ndodhin dhe janë reale, aspak thashetheme apo sajesa. Ka qysh nga koha e Zogut, Enverit, apo dhe në këto 34 vite tranzicion, që e vetëquajmë vehten “zogistë, enveristë, titistë, stalinistë, bushistë, klintonistë, obamistë, trampistë, bidenistë, dhe sërish sot, trampistë”. Duket sikur veçanarisht politikanëve, u mungon iddentiteti, u mungon kurajo për të qenë vetvetja, për të barazuar kontributin që japin për vendin dhe popullin me anëtarët e tjerë të klasës sonë politike.
Por duan të gjithë të dalin foto me presidentët amerikanë , francezë, kryeministrat italianë, englezë, gjermanë,etj….Ka një lloj manie nga klasa politike, pale pastaj edhe nga populli i thjeshtë, që shohin dhe bëjnë tifo me “politikanin që del në foto me presidentin e SHBA”, nga politikani që nuk e ka problem atë pjesë, por punon për vendin e tij. Ç’nuk kanë dhënë dikur dhe tani politikanët, veçanarisht ata të opozitës së vjetër, dollarë deri premtime stratosferike , vetëm e vetëm të quhen “bidenistë apo trampistë”. Prej 2 muajsh ka nisur gara e madhe mes politikanëve, se kush e ka më tepër “mik personal presidentin e 47 të SHBA zotin Trump”.
Gallata shkon deri atje sa në studio televizive thonë se “i nisa sms apo i nisa letër Trump, e urova, më premtoi”, etj…Dhe hajde pastaj të kam rixha, të futet kjo klasë politikanësh në Bashkimin Europian. Njerëz pa rybe fare , pa personalitet, pa identitet, pasi jetojnë vetëm me simbole presidentësh të huaj. Më famozi është Berisha. Dikur tha se “Belindi ka patur një takim të ngrohtë, dhe shumë miqësor me Donald Trump, dhe i ka premtuar sa të vij në Shtëpinë e Bardhë, do firmos haqjen e “non-grata” të Berishës”. Edhe pse sajesa ishte allashqiptarçe, edhe sot e kësaj dite ajo po serviret si e vërtetë. A thua se, zoti Turmp e mban “vrapin” tek Sali Berisha.
Nuk e zë gjumi natës për Berishën, dhe ja sa të shkelë në zyrën ovale, do të firmosë heqjen “non-grata” së tij. Po të dëgjosh demokratët e selisë blu në oborrin e saj, apo në bulevarde tek dalin për të protestuar, të gjithë tani thonë “jemi trampistë”. Madje e krahasojnë rastin e gjykimit të Donald Trump në SHBA, “toidhio” me rastin e “liderit historik të PD në Shqipëri”. Pastaj vazhdojnë duke thënë se “u gjykua Trump, fitoi pushtetin, po gjykohet Berisha do të fitojë pushtetin”. Ka dhe llafe të tilla si “Trump dhe Berisha janë miq të hershëm”. Kjo është politika tek ne. Ky është tregu llafeve, dhe barcaletave, që të shkrin gazit kur i dëgjon. Dhe përballë tyre, qëndron stoik Edi Rama.
Asgjë nuk thotë, asgjë nuk parashikon dhe asgjë nuk premton, pasi nuk e lë largpamësia si politikan europian të gabojë, dhe të bjerë në nivele periferike. Ardhja e Trump, nuk ndryshon asgjë nga politika e jashtme e SHBA, pasi janë primare interesat amerikane. Këtë nuk e di zoti Berisha, apo më mirë të themi, këtë nuk e përmënd kurrë në fjalime ai. Ndaj dhe të vetët ngazëllehen kot, dhe thonë “jemi trampistë”…..
….sikur ….sikur….. vetëm për ATË që ka thënë që DO TË KETË VETËM FEMËR DHE VETËM MASHKULL…. ja vlen për të qënë President i MADHËRISHËM I SHBA….
Të tjerat janë dokrra hinit.