Protestuesit janë tërhequr nga grumbullimi para Ministrisë së Brendshme dhe po i drejtohen ambienteve të Kryeministrisë, ndërkohë që disa prej tyre vazhdojnë të qendrojnë në pjesën e pasme të Ministrisë së Brendshme.
Kujtojmë se një efektiv policie dhe një gazetar janë plagosur gjatë protestës që po zhvillohej para ministrisë së Brendshme.
Qindra të rinj u mblodhën para Ministrisë së Brendshme, në shenjë proteste ndaj vrasjes së 25-vjeçarit Klodian Rasha nga ana e efektivit të Reneas.
Nën thirrjet “Unë jam Klodiani” dhe “Duam drejtësi”, të rinjtë kërkojnë zbardhjen e ngjarjes, madje dhe dorëheqjen e drejtorit të Përgjithshëm të Policisë Ardi Veliu dhe ministrit të Brendshëm Sandër Lleshaj.
“Sandër Lleshaj jep dorëheqjen”, dëgjohet fuqimisht nga turma e mbledhur në ambientet e jashtme e Ministrisë së Brendshme.
