Përveçse dukej rrëzëllitëse me fustanin e saj në Golden Globes, unaza që mbante në gisht aktorja e famshme Zendaya e mori gjithë vëmendjen. Fansat vërshuan me reagime në rrjetet sociale duke hedhur aludime se bëhet fjalë për një unazë fejese.
E tanimë është e konfirmuar nga një sërë mediesh të huaja se Zendaya dhe Tom Holland janë fejuar! Diamanti në unazë e tregon më së miri dashurinë e madhe mes çiftit. Të shumta janë edhe komentet mbi çmimin e unazës, që mendohet se kap vlerën e 120 mijë dollarëve. Por jo vetëm kaq! Zendaya e kombinoi atë me një varëse po me diamante.
Çifti ende nuk kanë deklaruar diçka publikisht, por as nuk kanë mohuar thashethemet. Më në fund mund ta themi se ata e paskan ndërmarrë hapin e rëndësishëm pas 4 vitesh sëbashku!
