Ka nisur dita e 27-të e protestës së banorëve të Astirit tek Unaza e Re. Banorët kanë filluar të mblidhen ndërsa ende nuk e kanë bllokuar rrugën. Kësaj here në mbështetje të banorëve, është edhe kreu i Partisë Demokratike, Lulzim Basha.
Lulzim Basha në mbështetje të protestës së banorëve të Astirit
Protesta e banorëve të Astirit është mbështetur nga Partia Demokratike dhe kryetari Lulzim Basha që prej ditës së parë. Banorët kundërshtojnë ndërtimin e Unazës së Madhe të Tiranës, pasi sipas tyre ky projekt prek shtëpitë e tyre. ARRSH ka sqaruar se banesat për të cilat kundërshtojnë banorët janë të palegalizuara, ndërkohë që Bashkia Tiranë ka ofruar zgjidhje për ta, bonusin e qirasë dhe strehimin nëpër banesa sociale. Protesta zhvillohet në një kohë kur IKMT vazhdon shembjen e banesave dhe pastrimin e zonës për të bërë të mundur nisjen e punimeve.
Ora 17:23
Lulzim Basha: Ndaj banorëve të Astirit po ushtrohet terror psikologjik, persona me profil kriminal shkojnë shtëpi më shtëpi
Kreu i PD-së, Lulzim Basha i pranishëm në protestën e Astirit, ka rikonfirmuar mbështetjen e tij ndaj banorëve të Unazës së Re. Në pronocimin e tij për mediat, Basha është shprehur se deputetët e opozitës nuk do ti lënë vetëm qytetarët, duke denoncuar edhe kërcënimet e vazhdueshme që ata kanë marrë.
“Ndaj banorëve po ushtrohet terror psikologjik, ata marrin telefonata kërcënuese. Banorët thonë që persona me profil kriminal shkojnë shtëpi më shtëpi për të joshur apo frikësuar banorët që të tërhiqen nga protesta. Ka vetëm një zgjidhje, anulimi i këtij projekti, hetimi i tij dhe nxjerra para drejtësisë e personave përgjegjës”, tha Basha.
Ora 17:12
Protesta tek Astiri, banorët bllokojnë dy akset e rrugës
Banorët e zonës së Astirit kanë bllokuar sërish të dy akset e rrugës gjatë protestës që po zhvillojnë ditën e sotme në zonën e Unazës së Madhe.
ma.me
