Një ditë para protestës, Partia Demokratike ashpërson gjuhën.
Deputetja Albana Vokshi ka kërkuar që Edi Rama të shpallet person “non grata”.
Sipas saj, Rama ka kohë 24 orë që të largohet nga Tirana, ndryshe do ketë pasoja.
“Inkurajoj shoqërinë civile të angazhohet në mbledhjen e firmave për të shpallur Edi Ramën “person non grata” në Tiranë.
Kryeministri shkeli Kushtetutën, ai duhet të japë dorëheqjen për thirrjet raciste.
Ai ka afat 24 orë të ikë nga Tirana! Më pas populli merr fatet e tij në dorë”, është shprehur deputetja Vokshi në një intervistë.
Deklarata vjen një ditë pasi ambasadorët kryesorë në vend kërkuan nga PD që të shmangë retorikën dhe aktet e dhunës.
“Era e revolucionit demokratik në Shqipëri ka nisur dhe shqiptarët, me besimin në Zot, do ta fitojnë këtë betejë për të drejtën!
Agjendat e lëvizjeve popullore janë të qarta: nuk ka kthim prapa deri në largimin e qeverisë më të korruptuar në Shqipëri.
Diktaturat janë sistemet që rrëzohen me revolucione, që hapin më pas rrugën për të përgatitur rotacionet e pushteteve me votë të ndershme“, vijoi ajo.
TEMA
