Ish-këshilltarja e Berishës Suzana Guxholli deklaron se kreu i PD, Lulzim Basha duhet të thyejë heshtjen sa i takon qëndrimit të tij pasi ambasadorja amerikane ka kërkuar që ish-kryeministri dhe ish-lideri historik i PD të mos futet në Parlament, i shpallur ‘non grata’ nga DASH këtë verë.
Duke folur në ABC, Guxholli thotë se nuk është qëndrim i lehtë, por ky qëndrim vë pikëpyetjen para të gjithëve.
“Basha duhet të japë qëndrimin e tij, kuptohet që nuk është e lehtë. Për momentin është e pamundur që një lider të fshihet me një goditje, pavarësisht se vjen nga SHBA. Duke qenë se këtu ka një pikëpyetje se ka qenë po ky shtet që kryeministrin e asaj kohe e ka ngritur në qiell.
Ky qëndrim vë pikëpyetjen para të gjithëve. Duhen argumente që ta rrëzosh si figurë sepse ka mbështetje. Basha duhet të shprehet dhe të japë qëndrimin e tij dhe jo të heshtë që të gjithë të jenë të qartë,” deklaroi Guxholli.
Kujtojmë se vetë Berisha ka konfirmuar se do të jetë në Kuvend në 10 shtator kur nis legjislatura e re parlamentare.
/m.j
