Kryeministri Edi Rama gjatë inspektimit të ndërmarrjeve të cilat përfitojnë nga ulja trefish e taksës është shprehur se nuk do t’iu duhet më të paguajnë njerëz për të fshehur numrat e xhirove të tyre, siç ka ndodhur më parë me rregullat e taksimit.
Shefi i qeverisë shtoi se shumë biznese që kanë patur një xhiro nga 80-110 milionë lekë të vjetra kanë fshehur të ardhurat dhe kanë bërë deklarim të gënjeshtër. Mes tjerash Rama theksoi se është koha, që edhe punonjësit e këtyre ndërmarrjeve të përfitojnë rritje pagash pas masave të ndërmarra.
“80 mln lekë të vjetra dhe me ato që bëhen sikur të numërohen, sepse po të numëroheshin dilnit sipër. Në fakt e gjithë kjo fashë nga 80-110, është një fashë ku të gjithë i keni fsheh. Nuk keni pse të paguani njerëz se si të fshehin numrat. Atyre çunave do ua rrisësh rrogën? Ka potencial të madh punësimi me zanate të mirëfillta. Ne e presim me shumë interes këtë vit”, tha Rama.
a.cupaj
