Ulet numri i aborteve të vullnetshme, 74 raste më pak se në 2014
Numri i nënave të reja që zgjedhin të abortojnë në mënyrë të vullnetshme, është ulur krahasuar me një vit më parë. Këtë vit numri i aborteve krahasuar me një vit më parë është ulur me 74 raste.
Drejtori i maternitetit “Mbretëresha Geraldine” Blenard Nonaj shpjegon shkaqet që i shtyn nënat e reja të abortojnë si dhe rrezikun që paraqesin abortet e kryera përmes medikamenteve. Në Shqipëri numri i aborteve të vullnetshme është ulur krahasuar me një vit më parë.
Sipas statistikave të maternitetit “Mbretëresha Xheraldinë” nga 316 aborte që janë shënuar në gjashtëmujorin e parë të 2014, në 2015 numri është ulur në 242.
Blendard Nonaj:“Abortet e vullnetshme kanë qënë për vitin 2014 ,316 aborte kurse për 6 mujorin e vitit 2015 kanë qënë 242.”
Por nuk mund të thuhet e njejta gjë për abortet që kryhen përmes medikamenteve që të shumtën e rasteve pa rekomandimin e mjekut. Për drejtorin e maternitetit “Mbretëresha Geraldinë kjo mënyrë mund të rezultojë fatale.”
Blendard Nonaj: “Aborti medikal ka të mirat e veta por ka dhe të këqijat e veta. Ka të mirat e veta sepse nuk ndërhyet por bëhet me kokrra . Kur ka hemorragji është e detyruar të paraqitet pranë institucionit tonë që ne ndërhyjmë për çdo lloj hemorragjie që shkakton ky abort.”
Doktor Nonaj hedh dritë edhe mbi shkaqet që i detyrojnë nënat e reja të kryejnë aborte. Kushtet e këqija ekonomike qëndrojnë në plan të parë.
Blendard Nonaj: “Janë dy arsye të ndërprerjes së barrës,për shkaqe ekonomike sepse gratë nuk duan të kenë më shumë se dy ose tre fëmijë dhe janë të detyruara të bëjnë aborte të vullnetshme të barrës. Përveç kësaj ka aborte për arsye shëndetësore e mjekësore që janë të detyruara ti bëjnë për shkak të problemeve të tyre dhe këtë shtatëzani nuk mund ta mbajnë dot.”
Mjekët raportojnë tendencë në rënie edhe për abortet e detyrueshme për shkak të gjendjes shëndetësore të nënës.
