Interesat e bonove të thesarit regjistruan rënie në ankandin e kësaj jave.
Sipas Bankës së Shqipërisë, u shitën 10.4 miliardë lekë bono thesari, kundrejt një kërkese prej afro 11 miliardë lekësh.
Për bonot me maturim 6-mujor interesi zbrit në 2.82% nga 2.86% që ishte më parë dhe bonot me maturim 12 mujor, regjistruan një interes prej 3.19%, duke ju afruar shumë minimumit historik prej 3.18% të regjistruar një vit më parë.
Ekspertët shprehen se politika lehtësuese monetare te Bankës së Shqipërisë, po dikton trendin rënës të interesave për Lekun.
