Humbjet e energjisë elektrike, të cilat krijohen nga vjedhjet ose amortizimi i rrjetit, janë reduktuar ndjeshëm këtë vit. Të dhënat Entit Rregullator, tregojnë se niveli i humbjeve në periudhën janar-tetor, ishin 17.3%, nga 18.7% që ishin vitin e kaluar.
Kjo ulje e humbjeve në rrjetin e transmetimit vjen si rezultat i investimeve të kryera në vend në rrjetin e transmetimit. Në sasi, janë 1.1 mln megavat, nga 6.3 mln megavat të prodhuara. Nëse këto humbje do të shkonin tek konsumatori dhe në me çmimin mesatar që ka pasur energjia elektrike këtë vit, dëmi rezulton rreth 110 mln euro.
Për të menaxhuar furnizimin, KESH ka importuar energji elektrike nga jashtë, duke ruajtur rezervën ujorë në Fierzë. Kuota në hidrocentral në nëntor ishte 270 metra, ndërsa blerjet jashtë vend kushtuan 16 milionë euro. Ndërkohë, me reshjet e muajit dhjetor, prodhimi i energjisë po sigurohet nga brenda vendit.
