Çmimet e karburanteve kanë filluar të bien disi këto dy ditët e fundit pas goditjes që morën të martën dhe të mërkurën e kësaj jave duke u shitur me 260-265 lekë/ litri.

Rënia e ndjeshme e çmimeve në bursë dhe reagimi i fortë i qytetarëve ka bërë që kompanitë e naftës të ulin disi çmimin duke e shitur aktualisht me 223-224 lekë/ litri naftën dhe benzinën.

Çmimi i naftës në bursë është shpjegimi kryesor i importuesve për rritjen e çmimit edhe në tregun vendas.

Më konkretisht, çmimi i një fuçie brent në fillim të marsit në bursë ishte rreth 107-109 dollar, dhe një litër naftë në Shqipëri shitej me 185-195 lekë, dje dhe sot çmimi i një fuçie në bursë është 106-107 dollar dhe çmimi i naftës është 223-224 lekë/ litri.

Rrjedhimisht, duket qartë që stabilizimi i çmimit të karburanteve nuk ka ndodhur ende dhe ka shumë vend për ulje, të paktën për të shkuar në nivelin fillimit të këtij muaji.

Të paktën, nëse referencë është bursa siç thonë..dhe jo abuzimet me krizën..! /abcnews.al