Forcat speciale ukrainase kanë ndërmarrë një sulm ndaj selisë së FSB-së, agjencisë ruse të inteligjencës dhe sigurisë së brendshme, në zonën e pushtuar të rajonit Kherson.
Gjatë operacionit është shkatërruar edhe një sistem rus i mbrojtjes ajrore Pantsir-S1, ndërsa presidenti ukrainas Volodymyr Zelensky e cilësoi aksionin si një goditje të rëndësishme ndaj forcave ruse.
Volodymyr Zelensky publikoi në platformën X një video të operacionit, duke deklaruar se sulmi është kryer nga njësitë speciale të Qendrës A të Operacioneve Speciale të SSU-së. Sipas tij, vetëm nga ky operacion, humbjet ruse kanë arritur në rreth 100 të vrarë dhe të plagosur.
“Një seli e FSB-së ruse u godit dhe një sistem raketash tokë-ajër Pantsir-S1 u shkatërrua në territorin tonë të pushtuar përkohësisht. Falë këtij operacioni të vetëm, humbjet ruse arrijnë në rreth njëqind pushtues të vrarë dhe të plagosur. Rusët duhet të ndiejnë nevojën për t’i dhënë fund kësaj lufte. Sanksionet afatmesme dhe afatgjata të vendosura ndaj Ukrainës do të vazhdojnë të funksionojnë”, përfundoi presidenti ukrainas, duke publikuar një video të operacionit”, shkroi Zelensky.
