Ukraina ka goditur rafinerinë e naftës ruse në Ryazan gjatë natës në një sulm me dronë.
Sipas mediave të huaja, lajmin e bëri të ditur një nga komandantët ushtarakë ukrainas, ndërsa tha se vendi po përqendron përpjekjet në sulmin ndaj infrastrukturës energjetike të Rusisë.
Robert Brovdi thotë se u godit edhe një depo nafte në rajonin e pushtuar të Luhanskut. Një guvernator rajonal rus tha se tetë dronë ukrainas ishin rrëzuar.
Një sulm i mëparshëm me dron ukrainas e detyroi rafinerinë e Ryazanit të ndalonte gjysmën e kapacitetit të saj në fillim të gushtit, thanë burime të industrisë në atë kohë.
Sulmet e fundit me dronë ukrainas kanë mbyllur objekte që përbëjnë të paktën 17% të kapacitetit të përpunimit të naftës të Rusisë, ose 1.1 milion fuçi në ditë, raportoi agjencia e lajmeve Reuters.
