Të paktën 4 persona u vranë në një sulm masiv me dronë të Ukrainës, kundër rajoneve ruse, përfshirë Moskën, që u përball me bombardimet më të rënda në më shumë se një vit.
Tre vetë humbën jetën në rajonin e Moskës dhe një në Belgorod, siç bënë më dije autoritet të dielën. Guvernatori rajonal Andrei Vorobiov tha se një grua ishte vrarë pas goditjes se shtëpisë së saj në Kimki në veri të kryeqytetit, dhe se ekipet e shpëtimit po kërkojnë edhe për një person tjetër nën rrënoja.
Ndërkohë dy burra u vranë në fshatin e Pogorelki. Siç bëhet e ditur një sërë pallatesh të larta dhe infrastrukturë mbetën të dëmtuara në sulm.
Agjencia e lajmeve Tass raporton se mbrojtja ajrore kishte shkatërruar 81 dronë të drejtuar për në Moskë që prej mesnatës. Sipas kryebashkiakut, Sergei Sobyanin, 12 persona ishin plagosur në kryeqytet, kryesisht pranë hyrjes së një rafinerie nafte në Moskë. Ministria e mbrojtjes sqaroi se 556 dronë ishin rrëzuar rreth vendit gjatë natës dhe mëngjesin e së dielës.
