Ambasada e Ukrainës në Tel Aviv po përpiqet të rekrutojë izraelitë për të luftuar kundër Rusisë.
Nëpërmjet një postimi në median sociale Facebook ajo shkruan se të gjithë personat që duan të marrin pjesë në mbrojtjen e Ukrainës “nga agresioni rus” duhet të regjistrohen pranë ambasadës.
“Të dashur bashkatdhetarë, vëllezër dhe të gjithë qytetarët e kujdesshëm të Izraelit dhe vendeve të tjera që aktualisht ndodhen në Izrael! Ambasada ka filluar formimin e listave të vullnetarëve që dëshirojnë të marrin pjesë në luftë kundër agresorit rus”, shkruhet në njoftim.
Gjithashtu ambasada shpjegon se mesazhi duhet të dërgohet me email dhe të përfshijë këto të dhëna, emrin, shtetësinë, datën e lindjes, numrin e pasaportës, specialitetin ushtarak dhe kontaktet.
“Ambasada do të informojë më tej lidhur me masat e mëtejshme”, finalizohet njoftimi.
/a.r
