Forcat ukrainase kanë rimarrë fshatrat Sloboda dhe Lukashivka në jug të Chernihiv, që ndodhen përgjatë një prej rrugëve kryesore midis Chernihiv dhe Kievit ka njoftuar Ministria e Mbrojtjes e Mbretërisë së Bashkuar sipas përditësimit më të fundit të inteligjencës britanike.
Ukraina vazhdon të bëjë kundërsulme të suksesshme, por të kufizuara në lindje dhe veri-lindje të Kievit, thotë Ministria e Mbrojtjes britanike.
Chernihiv edhe Kievi janë përballur me sulme të vazhdueshme ajrore dhe raketore, pavarësisht pretendimeve ruse për reduktimin e aktivitetit ushtarak në këto zona.
Agjencia Ndërkombëtare e Energjisë Atomike (IAEA) ka deklaruar se Ukraina u ka thënë se trupat ruse janë larguar nga Çernobili.
IAEA tha se forcat ruse kishin “transferuar kontrollin e termocentralit bërthamor te personeli ukrainas”.
Stafi i uzinës ka thënë se nuk ka më të “huaj” në vend, megjithëse IAEA ka deklaruar më herët se nuk ishte në gjendje të konfirmojë një informacion të tillë.
Trupat ruse morën kontrollin e Çernobilit në fillim të luftës në Ukrainë.
g.kosovari
