Një vrasës serial në Rusi ka pranuar së fundmi se ka masakruar të paktën 84 gra, duke përdorur cekiçë, sëpata e kaçavida. Bëhet fjalë për ish-policin rus Mikhail Popkov, i njohur ndryshe si “Ujku i Natës”, i cili është përballur dy herë me drejtësinë për vrasjen dhe përdhunimet e grave që kryesisht ishin të grupmoshave 18 deri në 50 vjeç.
Ai ka kryer vrasje nga viti 1992 deri në 2010 por hetuesit e çështjes Popkov thonë se numri total i viktimave me shumë gjasa i kalon 100 dhe mund të jetë “afro 200”.
Tashmë ky kriminel është zhvendosur nga burgu i Lindjes së Largët ruse në qytetin e Irkutsk për hetimet e një çështje të re. Përmes një video të re makabre, maniaku 56-vjeçar pranon vrasjen e një gruaje që kishte marrë në makinë në rrugën Karl Marx në qytetin e tij të lindjes Angarsk.
Në pamje ai shihet duke vizituar skenën e krimit ku akuzohet se e ka përdhunuar dhe vrarë viktimën.
Popkov pranoi se e detyroi gruan të bënin seks dhe i tha detektivëve: Më pas bëmë sherr dhe e vrava. E godita në kokë. Ajo ra përtokë dhe nuk tregonte shenja jete.
Hetuesi i çështjes kolonel Evgeny Karchevsky, jka thënë më herët: Jam i sigurtë që Popkov ka kryer më shumë se 100-krime, ndoshta afro 200.
“Ishte e pamundur për të që të hiqte dorë.
“Ujku i Natës” është shpallur fajtor për vrasjen e 81 grave, ndërsa tre çështje kanë skaduar prej mbarimit të afatit të kufizimit kohor.
“Kisha punaur në Torbeyevsky Tsentral për 10 muaj pushime, prandaj desha pak pushim. E dija që do më sillnin në Irkutsk.”- ka deklaruar vrasësi në rrëfimin e tij.
