Ministrja e Bujqësisë dhe Zhvillimit Rural, Anila Denaj bëri të ditur se, po vijon puna për përmirësimin e infrastrukturës së ujitje-kullimit, në mbështetje të fermerëve për sezonin e ri të prodhimeve.
Denaj tha se, Drejtoria e Ujitjes dhe Kullimit Fier po përmbyll dy investime me rëndësi në këtë sektor.
“Ura e re e Sheqishtes, mbi kanalin kullues “Kolektori Roskovec-Hoxharë”, është një nyje kryesore e lëvizjes për transportimin e produkteve bujqësore nga fusha drejt tregut”, u shpreh minsitrja.
Gjithashtu informoi Denaj, pastrimi i kanalit kullues që përshkon fshatrat Sheqishte e Belinë, eliminon riskun nga përmbytjet për 370 hektarë toka bujqësore.
/a.r
