Një pjesë e Kanalit të Madh të Venecias në Itali u bë ngjyrë e gjelbër sot duke bërë që policia të nisë hetimet mes spekulimeve se mund të ishte planifikuar nga aktivistët mjedisorë.
Ngjyra e gjelbër shtrihej nga Ura e Rialtos deri përgjatë një pjese të kanalit.
Mediat vendase raportuan se policia dyshon që uji të jetë ngjyrosur nga aktivistët mjedisorë të frymëzuar nga një shfaqje e ngjashme e aktivizmit në vitin 1960.
Vigili del Fuoco, shërbimi italian i zjarrfikësve dhe shpëtimit, tha se po ndihmonte agjencinë rajonale të mbrojtjes së mjedisit të marrë mostra për testim.
Ngjyra u pikas fillimisht nga banorët vendas, tha presidenti i rajonit të Veneto, Luca Zaia në Tëitter.
“Prefekti ka thirrur një takim urgjent me policinë për të hetuar origjinën e lëngut ngjyrë të gjelbër”, tha ai.
Imazhet në mediat sociale tregojnë një pjesë të gjelbër të ndritshme në kanal përgjatë një zone ku ka shumë restorante.
