Më shumë se tetë mijë persona në veri të Gjermanisë do të duhet të përsërisin vaksinimin kundër koronavirusit, pasi dyshohet se injektimi i parë ka qenë ujë me kripë. Autoritetet po hetojnë një infermiere 40-vjeçare, kritike ndaj imunizimit dhe pandemisë.
Në muajin prill, ajo ka pranuar se u ka dhënë gjashtë personave ujin e kripur. Por teksa hetimet janë zgjeruar, është kuptuar se më shumë persona mund të kenë marrë këtë substancë, në vend të vaksinës së prodhuar nga kompania Pfizer/Biontech.
Policia nuk përjashton mundësinë e ndonjë motivi politik që ka nxitur veprimet e infermieres, ndonëse avokatët e saj kanë hedhur poshtë diçka të tillë. Gjermania është përballur disa herë me protesta kundër vaksinimit.
Grupet e ekstremit të djathtë janë në mesin e atyre që kanë refuzuar të dhënat zyrtare dhe konkluzionet rreth Covid-19.
/a.r
