UEFA ka bërë publikë listën me 10 kandidatët finalë të cilët do të konkurrojnë për të fituar çmimin e lojtarit më të mirë të vitit. Kjo listë do të reduktohet në 3 finalistë, emrat e të cilëve do të bëhen publik më 5 gusht.
Gazetarët nga të 55 vendet anëtare të UEFA-s dhanë verdiktin e tyre për këtë listë, duke dhënë pikë për 5 lojtarët që ata mendojnë se kanë shkëlqyer më shumë këtë vit. Procesi i votimit ishte i tillë: 5 pikë për vendin e parë, 4 për të dytin e kështu me radhë deri në 1 pikë për të pestin.
Real Madrid është skuadra që dominon këtë listë, 4 futbollistë janë në garë për lojtarin më të mirë të UEFA-s: Ronaldo, Bale, Pepe dhe Kroos. Antuan Griezmann, humbësi i madh i finaleve është një tjetër kandidat potencial. Në këtë listë janë të përfshirë edhe dy portier, Manuel Neuer dhe Buffon.
Emri i fituesit të trofeut të futbollistit më të mirë të UEFA-s do të mësohet më 25 gusht në Monaco, ku do të hidhet edhe shorti i fazës së grupeve të Champions League.
Kjo është dhe lista e plotë:
Gareth Bale (Real Madrid & UELLS)
Gianluigi Buffon (Juventus & ITALI)
Antoine Griezmann (Atlético Madrid & FRANCE)
Toni Kroos (Real Madrid & GJERMANI)
Lionel Messi (Barcelona & ARGJENTINE)
Thomas Müller (Bayern München & GJERMANI)
Manuel Neuer (Bayern München & GJERMANI)
Pepe (Real Madrid & PORTUGALI)
Cristiano Ronaldo (Real Madrid & PORTUGALI)
Luis Suárez (Barcelona & URUGUAJ)
ma.me
