Trajneri argjentinas u dërgua jashtë fushës pas vetëm 10 minutave lojë në ndeshjes e së enjtes nga albitri pas shpërthimit të tij për përjashtimin e Sime Vrsaljkos.
Diego Simeone përballet me një dënim nga UEFA pas ndeshjes se parë gjysmëfinale në mes të Atletico Madridt me Arsenalin.Trajneri i Atleticos u dërgua në tribuna të Emirates Stadium të enjten në mbrëmje.
Pasi ishte ankuar tek zyrtari i katër për kartonin e kuq që ju dha mbrojtësit të djathtë Sime Vrsaljko në minutën e 10, Simeone ishte urdhëruar që të lë stolin e rezervave dhe të shkojë në tribuna nga referi francez Clement Turpin. Simeone kërkojë karton të verdhë pas një ndërhyrje të Hector Bellerine.
UEFA e ka akuzuar argjentinasin se ka fyer me gjuhë dhe sjellje të papërshtatshme zyrtarin e ndeshjes dhe do të përballet me një panel që do ta gjykojë këtë rast më 4 maj, një ditë pas ndeshjes se dytë të gjysmëfinales me Arsenalin në Madrid.
Simeone e ka shikuar barazimin e skuadrës së tij nga tribunat, ku skuadra vuante për të mos pësuar gola dhe ishin me fat që Griezman e shfrytëzoi një gabim të Kosielny për të barazuar rezultatin.Simeone pritet që ta shikojë nga tribunat finalen, nëse Atletico shkon në finale.
UEFA po ashtu pritet që të dënoi edhe klubin e Atletico Madridit dhe tifozët e tyre, të cilët kanë gjuajtur objekte në fushë gjatë ndeshjes. Dënim mund të merr edhe Arsenali për shkak se ka lejuar tifozët e tyre që të ndezin fishekzjarrë gjatë ndeshjes, përgatiti ”GazetaExpress”. (b.an)
