Një tifoz i pafat i Anglisë udhëtoi mijëra milje për të parë skuadrën e zemrës në ndeshjen me Panamanë, por u kujtua se kishte harruar biletën në shtëpi.
Douglas Moreton bëri një thirrje për cdo njeri që mund ti jepte një biletë rezervë. Papritur u takua me gazetarin Dan Howells, i cili po qëndronte në të njëjtin hotel me tifozin e cmendur pas Anglisë.
Dan vendosi ta ndihmojë duke bërë një postim në llogarinë e tij në Twitter ku shkruajti: “Ky është Douglas. Ai ishte në hotelin tonë në Volgograd. Ne u takuam me të në Nizhny Novgorod dhe ai na tregoi se kishte harruar biletat e ndeshjes në shtëpinë e tij në Bristol. Nëse dikush ka një rezervë, më lajmëroni.”
Ndonëse arriti ti gjente një biletë, fati i keq vazhdoi ta ndiqte pasi Douglas ishte kthyer në hotel dhe gazetari nuk e gjeti dot. Kujtojmë se kjo ishte ndeshja më e mirë e Anglisë në Kupën Botës që fitoi me rezultatin 6-1 ndaj Panamasë. /b.d
