Mediat italiane kanë publikuar mrat e tetë personave që ndërruan jetë në aksidentin tragjik në Milano të regjistruar një ditë më parë. Ansa.it shkruan se në total janë dy familje, njëra prej tyre italiane dhe tjetra, ajo e miliarderit rumun, Dan Petresku. Ky i fundit, 68 vjeç ishte njëkohësisht dhe piloti i avionit privat kur u përplas me ndërtesën në Milano dhe me pas mjeti fluturues shpërtheu në flakë.
Petrsku ndërroi jetë në vend bashkë me të shoqen, Regina Dorotea Petrescu Balzat, 65 vjeçe dhe të birin, Dan Stefan, 30 vjeç. Julien Brossard, 36 vjeç, një mik kanadez i Dan Stefan Petrescu mbeti gjithashtu i vdekur në aksidentin ajror.
Nëna e Raphael dhe gruaja e Filippo Nascimbene, Claire Stephanie Caroline Alexandrescou, 34 vjeç, e lindur në Francë, si dhe nëna e Claire Stephanie Caroline, Miruna Anca Wanda Lozinschi, 65-vjeçare rumune me shtetësi franceze.
Përse devijove? Për të shmangur turbulencat?” Kjo ishte pyetja e fundit që iu bë përmes radios nga Qendra e Kontrollit në Linate, pilotit të aeroplanit që u përplas në San Donato, Milano.
Përgjigja e pilotit ishte një “jo” e menjëhershme. Disa sekonda më pas, mjeti fluturues u zhduk nga radarët. Në orë 13.07, tre minuta pas ngritjes nga pista, aeroplani privat devijoi nga rruga që duhej të ndiqte dhe nisi të humbte lartësi me nga 25 deri në 30 metra në sekondë.
Sipas raportimit të mediave në vend, hetimet janë duke vijuar për të zbuluar se çfarë nuk shkoi mirë.
g.kosovari
