Një grup turistësh perëndimorë janë sulmuar me armë nga talebanët gjatë një turi aventuresk në perëndim të Afganistanit. Të paktën gjashtë persona, përfshirë shoferin e autobusit, janë plagosur, por pa rreziqe për jetën.
Të huajt po udhëtonin në distriktin Chesht-e-Sharif të provincës Herat, të shoqëruar nga një grup ushtarësh afganë, kur militantët hapën zjarr me makinat. Grupi i ishte drejtuar qytetit të Heratit, qendra e lashtë kulturore e vendit, pranë kufirit me Iranin.
Një zëdhënës i guvernatorit të Heratit tha se midis turistëve ishin tetë britanikë, tre amerikanë dhe një gjermanë.
Sipas burimeve në Kabul, grupi kishte shkuar në Afganistan përmes agjencisë Hinterland Travel, një operator i vogël turistik britanik, me bazë në Brighouse, West Yorkshire.
Kompania është e specializuar në ture aventureskë, në vende të rrënuara nga lufta, si Iraku e Afganistani.
Guardian/d.i.
