Më shumë se 2,000 fluturime janë anuluar në ditën e Vitit të Ri pasi varianti Omicron vazhdon të ndalojë operacionet e linjave ajrore gjatë sezonit të festive.
Sipas FlightAware, një faqe interneti për fluturimet, 2,311 fluturime që hyjnë, dalin ose brenda SHBA-së u anuluan që nga ora 7:30 e mëngjesit të së shtunës, ndwrsa 424 fluturime të tjera u vonuan.
Southwest ka anulimet më të shumta të transportuesve kryesorë të SHBA-së me 457 fluturime të anuluara që nga ora 7:30 e mëngjesit. Ndërkohë, janë anuluar afro 190 fluturime të American Airlines, përveç 180 fluturimeve të Deltas dhe 142 të Unitedit. JetBlue kishte 118 fluturime të anuluara dhe Spirit kishte 91, raportoi FoxNews.
Ndërprerjet kanë vazhduar gjatë gjithë javës së festave, duke bllokuar udhëtarët në aeroporte në të gjithë SHBA-në.
Në fakt, kishte rreth 1000 fluturime të anuluara që hynin, dilnin ose brenda SHBA-së vetëm për Krishtlindje, nga 690 fluturime të anuluara në prag të Krishtlindjeve, sipas të dhënave të FlightAware.
Transportuesit kryesorë si Delta, United dhe JetBlue kanë fajësuar variantin Omicron për shkaktimin e problemeve me personelin që përfundimisht çojnë në anulime fluturimesh. Në fillim të kësaj jave, një zëdhënës i United vuri në dukje se ishte e paqartë se kur do të ktheheshin operacionet normale.
Vonesat dhe anulimet e fluturimeve të lidhura me mungesën e personelit kanë qenë një problem i rregullt për industrinë ajrore të SHBA-së gjatë vitit të kaluar.
/b.h
