Një 23-vjeçar nga Tirana i cili u raportua i zhdukur fillimisht te Gjiri i Lalzit është arritur të nxirret nga disa pushues në breg.
I riu emri i të cilit nuk bëhet ende me dije është në gjendje të rëndë në spitalin e Durrësit ku po merr ndihmën e nevojshme mjekësore.
Familjarët dhanë alarmin për zhdukjen e tij, ndërkohë disa pushues e gjetën djalin duke pluskuar mbi ujë teksa luftonte me vdekjen.
Ndërhyrja e tyre rezultoi mjaft e rëndësishme për shpëtimin e të riut.
Ngjarja ndodhi rreth orës 17:00 në Gjirin e Lalzit.
Sot ishte një ditë e rëndë pasi një djalë 30-vjeçar humbi jetën në Velipojë teksa po tentonte të shpëtonte të fejuarën e tij e cila fatmirësisht ia doli mbanë.
/b.d
