Sekretari i Përgjithshëm i PD, Flamur Noka, ka reaguar në rrjetin social në facebook, ndaj procedimit të tij penal nga policia e Tiranës, për akuzën me akuzën e veprës penale “Kanosja/dhunimi ndaj pjesëmarrësve në zgjedhje”.
Noka thotë se personi me të cilin u përball në qendrën e votimit në Vorë është Xhoni Asllanaj. Sipas Nokës ai është nipi dhe shoferi i Albert Xhabaftit të Vorës dhe është i skeduar për vjedhje dhe armëmbajtje pa leje.
“Ju ftoj të mos bini pre e keqinformimit dhe propagandës së mediave që paguhen nga kompania e inceneratorëve! Policia e Shtetit e komanduar nga banditi Proda, ndonëse e njeh mirë skedën e Xhoni Asllanajt, e cilëson si “qytetari që u pengua” në qendrën e votimit, sepse ashtu i leverdis partisë që po humbet pushtetin. Fitorja mbi pushtetet e kapura dhe të kalbura do të jetë e qytetarëve të vërtetë!”, thotë Noka.
