Të tjera detaje të rënda janë zbardhur nga ngjarja e rëndë që tronditi Greqinë pasditen e djeshme, ku një 17-vjeçar u vra aksidentalisht me plumb në kokë nga i vëllai.
Ngjarja ndodhi në Mendara, ndërsa vëllai 14-vjeçar u justifikua duke thënë se e ngatërroi 17-vjeçarin me një derr të egër, pasi kishi ndalë për gjah. Megjithatë, rezultatet e autopsisë paraprake në trupin e të miturit kanë ngritur dyshime të forta se djali dhunohej nga familja, pasi në trupin e tij u gjetën shenja abuzimi.
Sipas informacioneve, mjeku mjekësor ka parë shenja në trupin e 17-vjeçarit që i referohen abuzimit , por lloji i abuzimit do të shihet pasi të përfundojë ekspertiza. Ndërkohë, mësohet se autoritetet kanë kërkuar ekspertizën mjeko-ligjore për të tetë fëmijët e familjes për të përcaktuar nëse ata kanë pësuar ndonjë formë abuzimi.
Ndërkohë mister mbetet dhe pushka me të cilën u vra i mituri, pasi familja nuk dispononte armë dhe kjo është deklaruar dhe nga vetë babai në polici.
Trileri rreth vdekjes së fëmijës 17-vjeçar, trupi i të cilit u gjet në një zonë agropylltarie në Mandra, nisi pasditen e së enjtes.
17-vjeçari u gjet i vdekur nga një bari që kalonte pranë një rruge rurale në Lutsa të Mandrës, ndërsa i mituri kishte marrë një plumb në kokë.
