Një vajzë katërvjeçare është vrarë dhe nëna e saj u plagos rëndë pasi raketat ruse goditën një qytet në Ukrainën qendrore.
22 persona të tjerë humbën jetën, duke përfshirë dy fëmijë të tjerë, dhe mbi 100 të tjerë u plagosën në sulmin në Vinnytsia.
Ministria e Mbrojtjes e Ukrainës ka postuar në Twitter një video që tregon minutat e fundit të jetës së Lisa Dmitrieva, e cila kishte sindromën Down.
“Gjatë sulmit terrorist rus në Vinnytsia më 14 korrik, një vajzë e vogël e quajtur Lisa vdiq nga shpërthimi”, shkruhej në Twitter.
During the russian terrorist attack on Vinnytsia on July 14, a little girl named Lisa died from the explosion. Her mother Iryna was taken to the hospital with her leg torn off. Iryna’s page on social media captures last minutes of her daughter’s life. pic.twitter.com/bJWz2h8eIJ
— Defence of Ukraine (@DefenceU) July 14, 2022
“Nëna e saj Iryna u dërgua në spital e gjymtuar. Iryna në rrjetet sociale ka treguar minutat e fundit të jetës së vajzës së saj”, thuhet në njoftim.
Zyrtarët thanë se raketat të gjuajtura nga një nëndetëse ruse në Detin e Zi goditën ndërtesat civile në Vinnytsia.
Guvernatori i rajonit Serhiy Borzov tha se mbrojtja ajrore ukrainase rrëzoi dy nga katër raketat që u lëshuan.
g.kosovari
