Detaje të reja janë publikuar rreth vrasjes së Gjergj Krygjës një ditë më parë në fshatin Sume të Dukagjinit. 43-vjeçari mendohet se ka qenë i dënuar në Itali për lëndë narkotike dhe policia dyshon se ka më pak se një vit që autoritetet italiane e kanë sjellë në Shqipëri duke e deportuar. Policia pritet t’i dërgojë një shkresë autoriteteve italiane lidhur me dosjen e Gjergj Krygjës dhe deportimin e tij.
Ndërsa para 2 vitesh 43-vjeçari ka qenë i shpallur në kërkim në Shqipëri i dyshuar si kultivues i lëndëve narkotike në zonën e Dukagjinit.
Gjergj Krygja është vrarë afër derës së shtëpisë, ndërsa të shtënat janë dëgjuar nga bashkëshortja e tij, e cila ka dale menjëherë por e ka gjetur të vdekur me katër plumba në trup. Ai është qëlluar me automatik kallashnikov nga një largësi prej rreth 20 metër. Ndonëse u tha se autorët kishin lëvizur me një fuoristradë, pas hetimeve, rezultoi se mjeti nuk ka lidhje me ngjarjen.
Mendohet se autorët e vrasjes e kanë ruajtur viktimën dhe sapo e kanë parë të vetëm e kanë qëlluar, ndërsa mendohet se kanë levizur në këmbë dhe jo me makinë. Familjarëet fillimisht kane kërkuar helikopter duke menduar se kishte mbetur i plagosur rëndë, por në pak minuta ka ndërruar jetë në vendngjarje.
Policia vijon punen per zbardhjen e plote te kesaj ngjarje dhe identifikimin dhe gjetjen e autoreve. Kjo eshte vrasja e dyte e ndodhur brenda pak koheve ne Dukagjin teksa ne 21 tetor u qellua shtetasi Lazer Arra ne fshatin Palaj te njesise Shosh ne Dukagjin por keto ngjarje nuk kane lidhje me njera-tjetren por kane ndodhur brenda nje kohe te shkurter duke tronditur Dukagjinin dhe qytetin e Shkodres.
