Mbrëmjen e sotme Policia ka raportuar se në fshatin Bushkash në Mat është vetëplagosur me çifte shtetasi Gjovalin Rica.
Mësohet se 45 vjeçari është kryetar i seksionit të Partisë Demokratike në njësinë administrative Ulzë, ndërsa sipas njoftimit të Policisë është vetëplagosur pranë banesës së tij me armën e gjahut.
Për shkak të plagëve të marra, Gjovalin Rica është dërguar me urgjencë drejt Tiranës, ndërsa vijojnë hetimet për zbardhjen e plotë të rrethanave të ngjarjes.
NJOFTIMI I POLICISË:
Policia e Matit ka marrë informacion se në fshatin Bushkash, Mat, dyshohet se është vetëplagosur me armë gjahu shtetasi Gj.R, 45 vjeç, pranë banesës së tij.
Menjëherë është ngritur grupi hetimor duke shkuar në vendin e ngjarjes, ku paraprakisht i dëmtuari ka deklaruar se është vetëplagosur me armën e gjahut.
Shtetasi Gj.R, është dërguar për ndihmë më të specializuar drejt Tiranës
Grupi hetimor vijon hetimet për sekuestrimin e çdo prove materiale që do të çonte në zbardhjen e plotë të rrethanave të ngjarjes.
a.ç
