Pak ditë më parë, preasidenti i Republikës, me propozim të kryeprokurorit Ariatik Llalla firmosi transferimin e disa prokurorëve.
Mes tyre ishte edhe prokurori i apelit Tiranë Shkëlqim Hajdari, i cili disa muaj më parë, pati një konfrontim fizik me shefin e organit të akuzës gjatë një mbledhjeje në Prokurorinë e Përgjithshme.
Pas këtij transferimi Hajdari postoi një status në “facebook” ku nuk dëshiron të polemizojë por këshillon miqtë e tij të jenë të qetë.
“Ashtu siç është bërë e ditur në media, lëvizja ime nga Prokuroria e Tiranës në atë të Shkodrës ka shqetësuar miqtë e mi, brenda dhe jashtë vendit.
Miqtë e mi, mos u shqetësoni, pasi jam i kënaqur që fjalët e mia, puna ime, ka qenë dhe do të jetë në shërbim të drejtësisë.
Vetëm kështu do ta bëjmë të gjithë së bashku më të mirë këtë vend”, shprehet ai.
