Pronari Erion Kasmi, inxhinieri IT Xhulian Xhafa dhe vartësit e tyre janë lënë në burg pasi akuzohen për vjedhje të miliona eurove nga shtetas gjerman nëpërmjet mashtrimit me Call Center “Blu energy”.
Gjykata e posaçme ka vlerësuar të ligjshme arrestet e policisë dhe hetimin e akuzë e cila pas letërporosisë gjermane zbuloi grupin që nga qendra tregtare në rrugën e Kavajës për muaj me radhë vodhi gjermanët.
Ndërsa për 4 punonjëset e Call Center GJKKO caktoi masën e sigurisë arrest në shtëpi.
‘Blue energy call’ me seli te Rruga e Kavajës është përfshirë në mashtrimin e rreth 2 mijë gjermanëve duke u marrë mbi 5 mln euro. SPAK ka kontrolluar 8 ambiente të Call Center-it “BLUENERGYCALL SHPK”, ndërsa zbulon se mashtrimi i shtetasve gjermanë ka nisur që në 2018 e në vijim.
Pronari Kasmi u kap në Rinas gjatë kohës që po tentonte të largohej nga vendi. Të arrestuarit akuzohen se përmes platformave BrokerZ dhe Globalix, mashtruan gjermanët që të investonin në bursë apo në metalet me vlerë dhe diamantet. Me pas paratë e vjedhura depozitoheshin në bankat off-shore.
/a.r
