Boris Johnson është vetë-izoluar, pasi ka rënë në kontakt me një deputet, i cili më pas ka rezultuar pozitiv meCovid-19.
“The Guardian” shkruan se kryeministri britanik ishte i pranishëm në një takim 35-minutësh me një grup të vogël deputetësh Konservatorë të enjten në mëngjes.
Njëri prej tyre, Lee Anderson, më pas shfaqi simptoma të Covid-19 dhe ka dalë pozitiv.
‘Doëning Street’ këmbënguli se No 10 ishte një vend pune i sigurt për COVID, por e kishin këshilluar Kryeministrin që, për shkak të faktorëve duke përfshirë kohën sa zgjati takimi, ai duhet të vetë-izolohej si masë paraprake.
Zëdhënësi i kryeministrit tha se ai do të ndjekë rregullat dhe është izoluar në banesën e tij, ku edhe do të vijojë punën.
“Kryeministri është mirë dhe nuk ka ndonjë simptomë të COVID-19,”-shtoi ai.
Vetëizolimi i Johnson vjen në një moment të vështirë për qeverinë, pasi ai përpiqet të rivendosë një sens rregulli pas një jave të trazuar që rezultoi në largimin e dy ndihmësve të tij kryesorë, Dominic Cummings dhe Lee Cain.
g.kosovari
