Ministrja e Arsimit Lindita Nikolla ka folur për herë të parë për incidentin e ndodhur javën e kaluar në një aktivitet të FRESSH në Tiranë, ku një studente e re i hodhi në kokë ministres salcë.
Nikolla ka përdorur një shprehje të Hillary Clinton, duke thënë se e ka përjetuar “jo personalisht, por seriozisht”.
Aktivistja kaloi përmes rreshtave dhe i hodhi në kokë salcën ministren, ndërsa më pas u shoqërua nga policia. Gjesti i aktivistes Mirela Ruko ndau edhe opinionin publik, ku një pjesë e mbështeste dhe një pjesë tjetër e shikonte si dhunë.
“Për të qenë e sinqertë në fakt kam ardhur në respekt të debatit dhe pak për të folur për atë që transmetuat. Nuk kam asnjë dëshirë për të komentuar protestuesit. Ka ikur koha kur protestuesit, linçoheshin, madje edhe vriteshin në bulevard.
Mirelën do ta shoqërojë ky gabim, herët a vonë do ta kuptojë që ka bërë një faj. Faji jo vetëm që derdhi në kokën time salcën por besoj se është përfshirë në një grupim politik që nuk ka lidhje me vlerat e demokracisë, lirisë. Veprimet anarkiste nuk janë ato që ne duam. Ngjarja ishte aty, në sytë e të gjithëve. Unë e përjetova live.“- ka thënë Nikolla.
INTERVISTA e NIKOLLËS NË EMISIONIN “STUDIO E HAPUR” në news24
Çfarë ndjetë?
Shihet në pamje përjetimi im. Një mikeshë e ime më kujtoi diçka. Më dha një përgjigje të Clinton kur e pyetën se si ndihet pas sulmeve të tilla, përgjigjja e saj është “nuk e përjetoj personalisht por shumë seriozisht”, për të reflektuar, për të parë se cilat janë kërkesat.
Kishit sinjalizime?
Jo, absolutisht. Kam dëgjuar edhe ata që thanë 10 njerëz që ishin përgatitur. Ju them atyre dhe kujtdo tjetër, gjëja më e lehtë është të veprosh mbi ministren e arsimit. Unë prej 2 vjetësh nuk kam as shoqërues. Madje kam ecur edhe një pjesë rruge, se makinën e lashë larg. Ta tejkalojmë. E përsëris edhe njëherë jo personalisht shumë seriozisht.
I kam dëgjuar me vëmendje edhe pse nuk kanë kërkuar takim, por nuk ka pasur një komunikim të munguar me këtë grup.
Kishin një lloj dëshire rinore për t’u përshfaqur në këto pamje heroike.
Nuk e kanë lexuar ligjin e arsimit të lartë, nuk kanë lidhje. Nuk kanë lidhje me universitetin, vetëm emrin kanë. Janë shumë larg zgjidhjeve që kërkon sistemi arsimor.
E keni parë videon?
Jo nuk kam të tilla dëshira për të parë të tilla skena. Në moshën e asaj vajze, kam vajzën time.
Çfarë ju tha vajza?
Nuk ka pasur përjetime kaq të dhimbshme. U shqetësua mamaja e moshuar, sigurisht.
Çfarë tha mamaja?
Mamasë iu afrova kur më përqafoi, i thashë se jam bërë më shijshme se kam edhe shijen e salcës.
E kuptuat në momentin e parë se çfarë ishte lënda?
Nuk e kuptova se çfarë ishte, por di që jam çuar fare normalisht, kam ecur qetësisht, në shtëpia, bëra dushin e nevojshëm dhe jam rikthyer në takimin për diplomimin e studentëve të fakultetit juridik. Unë jam sot 50 vjeç dhe jeta nuk ka qenë aq e drejtë
