Akuzat e Kroacisë se Greqia po trajton tifozët e Dinamo Zagrebit sikur të ishin robër lufte, nuk kanë mbetur pa një përgjigje nga Athina zyrtare. Përfaqësuesi i Ministrisë së Punëve të Jashtme, Stratos Efthymiou, tha se një gjë e tillë nuk ka ndodhur, duke theksuar se këto deklarata nuk i shërbejnë zgjidhjes së çështjes.
“Që në momentin e parë, Qeveritë e Greqisë dhe Kroacisë kanë qenë në komunikim për të menaxhuar situatën e krijuar pas vrasjes tragjike të tifozit grek.
Në Greqi funksionon një shtet ligjor. Duke respektuar të drejtat themelore të të gjithë atyre që janë në paraburgim të përkohshëm, gjyqësori i pavarur grek do të gjykojë çështjen në mënyrë të paanshme dhe objektivisht. Dhe shteti grek garanton gjithmonë respektimin dhe integritetin e të burgosurve.
Çdo deklaratë që shtrembëron realitetin nuk shërben në rrethanat aktuale”, komentoi Stratos Efthymiou.
Nje deklarate e tille rezonon fort me ate çka deklarojne dhe kerkojne zyrtaret e larte te Athines, ne rastin e arrestimit te Belerit ne Shqiperi, i kapur ne flagrance duke blere vota, teksa bejne presion me te gjitha menyrat mbi qeverine shqiptare dhe drejtesine e re, qe ta lirojne menjehere.
Madje dergojne dhe kryebashket e e bashkive me te medha ne Himare, per te protestuar per liorimin e menjehershem te Fredi Belerit. Ndonese kete nuk e vendos Rama por e vendos gjykata. Pasi ne Shqiperi, si ne Greqi ka nje shtet ligjor, ku pushtetet jane te ndare. Dhe per integriminb ne BE, vendet anetare mes tyre dhe Greqia pikerisht kete gje kerkojne. Pse me dy standarde?
Ditën e sotme, Presidenti i Kroacisë, Zoran Milanoviç tha se tifozët kroatë janë “shpërndarë nëpër burgje për t’u rrahur e përdhunuar”, duke shkaktuar tensionim të marrëdhënieve mes 2 vendeve.
Mirëpo, kundër Milanoviç ka qenë edhe vetë kryeministri i Kroacisë, Andrej Plenkoviç.
“Këto deklarata sigurisht që nuk do të ndihmojnë qytetarët tanë. Ata akuzohen për tre krime : bashkëpunim me një organizatë kriminale, dëmtim dhe plagosje të pronës.
Këto janë krime të rënda dhe një person është vrarë. Për vdekjen nuk mund të fajësohen të 100. U bëjmë thirrje autoriteteve greke që ta përfundojnë procesin sa më shpejt dhe të deportojnë shumicën dërrmuese të qytetarëve kroatë në Kroaci”, theksoi ai.
Tifozët e Dinamo Zagrebit qëndrojnë në burg dhe akuzohen për vrasjen e tifozit Michalis Katsouris./m.j
