Pas kërkesës së urdhërarrestit, SPAK-u shpalli sot në kërkim ndërkombëtar ish-zëvendëskryeministrin Arben Ahmetaj. Ish-ministri mendohet se ndodhet në Londër aktualisht, por mund të arratiset në Kanada, për t’i shpëtuar burgut. Kështu tha gazetari Adriatik Doçi në një intervistë Dritan Hilën në emisionin “Shqip” në DritareTV.
“Unë besoj se Arben Ahmetaj do të largohet nga Londra pasi të jepet urdhër-arresti dhe të shpallet në kërkim ndërkombëtar. Sepse ne me Londrën kemi marrëveshje ekstradimi. Unë besoj që do të shkojë ne një vend ku ne nuk kemi marrëveshje ekstradimi. Për shembull në Kanada. Mund të shkojë në Kanada. Mund të arrestohet atje me kërkesë të Interpolit, por nuk mund të vijë ne Shqipëri dhe kështu do lirohet.”, tha Doçi në DritareTv.
Ish-numri dy i qeverisë Rama, akuzohet për refuzim për deklarim, fshehje ose deklarim i rremë i pasurive, korrupsionit pasiv dhe aktiv i funksionarëve të lartë shtetërorë dhe pastrim të produkteve të veprës penale, vepra penale nga të cilat mund të dënohet deri në 15 vite burg./m.j
