E perditshmja Panorama raportoi dje se dy specialiste të Ministrisë së Drejtesisë, të sektorit të ekstradimeve dhanë dorëheqjen para dy ditësh, pasi nuk pranonin të firmosnin ekstradimin e shtetasit Nezar Seiti, i lakuar në media si “financieri i Habilajve”. Ina Toci dhe Suela Collaku janë dy specialistet e ministrisë që janë larguar nga detyra – sipas lajmit që u rimor nga disa portale. Por e pyetur nga Dita, Suela Çollaku e mohon këtë.
“Jam informuar nga mediat se une dhe kolegia ime Ina Toci ( e cila nuk ka lidhje me dosjen ne fjale), pra specialistet e Ministrise se Drejtesise kane dhene doreheqjen sepse i kane detyruar te firmosin ekstradimin e Nezar Seitit. Deshiroj ta pergenjeshtroj kete lajm duke theksuar se nuk kam qene e detyruar te firmos nga asnje titullar, thjesht kam kryer detyren konform ligjit. Ju bej me dije se ne aktualisht jemi ne pune dhe vazhdojme te qeta detyren tone ne pozicionin e specialistit qe e gezojme prej vitesh pikerisht per shkak te kryerjes se detyres me rigorozitet dhe konform procedurave ligjore. Faleminderit per vemendjen” – tha Çollaku. Dita
