Gjykata e Posaçme ka shtyrë për më 12 Shkurt seancën e radhës ndaj ish-ministrit të Mbrojtjes Fatmir Mediu. Siç raporton gazetarja e Klan News Glidona Daci, shkak u bë mungesa e ish-ministrit. Mediu u shfaq pak dite me pare ne SHBA ku pretendonte se kishte shkuar per ceremonine e trump, por sot përmes një deklarate njoftonte gjykatën se ndodhej në SHBA për të kryer disa ekzaminime mjekësore.
Njëkohësisht, përmes avokatit, Mediu kërkonte të ishte i pranishëm në sallë gjatë përballjes me ekspertët që kanë kryer akt ekspertimin tekniko-ushtarak. Kujtojmë se ish-ministri i Mbrojtjes po gjykohet për dosjen “Gërdeci”, i dyshuar për “shpërdorim detyre”.
Për Mediun, shqyrtimi i kësaj prove është absurd sa kohë flitet për përgjegjësi ushtarake dhe jo civile dhe nuk kanë lidhje me detyrën e një ministri. Ndërsa SPAK thotë se ai ka shpërdoruar detyrën me nxjerrjen e disa akteve nënligjore që kanë sjellë avantazhe për shoqëritë private që do kryenin demontimin.
Akt-ekspertimi në atë kohë tregon se shtetit iu shkaktua një dëm prej 59 mln Lekësh, pasi nuk ishte përllogaritur transporti i municioneve. Nga shpërthimi në Gërdec më 15 Mars 2008 humbën jetën të paktën 26 persona e u plagosën qindra të tjerë.
Te vije ky shkerdhate,ishe minister kukull,mashtrues e hajdute,ortake me sy peshkaqenin,qe vrane 26 persona,ne Gerdec nga edhe femije.