Kuzhinieri Indrit Çela përfundoi në spital pasi mbrëmjen e kaluar u sulmua nga 2 persona teksa po udhëtonte me makinë. Ai u rrah barbarisht dhe u la në rrugë i gjakosur ndërsa në dëshminë e tij në polici u shpreh se kishte bërë aksident.
Por si u bë i njohur? Indrit Çela njihet për pjesëmarrjen në disa sfida gatimi, përmes programeve televizive. Ai e nisi me sfidën e gatimit në ‘Master Chef” ku fitoi dhe vendin e dytë. Pas kësaj sfide, ai u shfaq bashkë me një tjetër kuzhinier, Alfio Rrotani në një emision gatimi.
Çela, ka treguar se përvojën e tij në kuzhinë e ka nisur si pjatalarës, ku ka rrëfyer gjithashtu se në emigrim i është dashur të sakrifikojë duke punuar deri në 18 apo 20 orë në ditë për të fituar jetesën, por edhe profesionin. Ai ka treguar se nga pjatalarës ka kaluar si ndihmës kuzhinier dhe hap pas hapi ka arritur të bëhet shef.
Çela është një ndër shefat e kuzhinës shumë i dashur për publikun shqiptar. I apasionuar pas gastronomisë ai gjithnjë mundohet të sjellë risi në kuzhinë dhe jep këshillat e duhura për të gjithë ndjekësit e tij, ku jo më kot është gjithnjë pjesë e programeve kulinare në ekran.
/a.r
