Makina e djegur në parkim një ditë më parë në Korçë është zjarrvënie e qëllimshme dhe jo ngjarje aksidentale siç u raportua fillimisht nga policia.
Sot, strukturat e Drejtorisë së Policisë së Korçës raportojnë se makina Volksëagen u dogj qëllimisht.
Për këtë ngjarje janë arrestuar dy persona të dyshuar, Romeo Basholli 27 vjeç dhe Gentjan Çipi 38 vjeç.
Automjeti që u dogj është në përdorim nga një 28-vjeçareje dhe në pronësi të vëllait të saj. Nga hetimet e kryera rezulton se Gentjan Çipi në muajin Dhjetor 2022 e ka kanosur nëpërmjet telefonit 28-vjeçaren.
Gjatë kontrollit në banesën e Romeo Bashollit u gjet dhe u sekuestrua në cilësinë e provës materiale një sasi e vogël municioni luftarak. Gjithashtu u sekuestruan veshje dhe një automjet që ka përdorur Basholli në këtë ngjarje.
Vijon puna për dokumentimin e plotë të kësaj ngjarjeje, identifikimin dhe vënien përpara përgjegjësisë penale të shtetasve të tjerë të përfshirë.
/s.f
