Reporteri holandez i krimit, Peter R de Vries ka vdekur nëntë ditë pasi u qëllua në një rrugë të Amsterdamit.
Duke cituar një deklaratë të familjes, mediat e huaja raportojnë se: Peter luftoi deri në fund, por nuk ishte në gjendje të fitonte betejën.
Policia tha se De Vries u qëllua në Lange Leidsedwarsstraat, afër një sheshi të madh publik në Amsterdam.
Sulmi ndodhi pasi ai bëri një paraqitje të rregullt në një shfaqje televizive të çështjeve aktuale në lidhje me kriminalitetin. Dy të dyshuar janë arrestuar në lidhje me të shtënat, që ndodhën në 6 korrik.
De Vries është një nga reporterët më të njohur të krimit në Holandë dhe ka fituar vlerësime kritike për raportimin e tij të guximshëm për botën e krimit në Holandë, përfshirë rrëmbimin e manjatit të birrës, Freddy Heineken në 1983.
Por hetimet e tij bënë që ai të merrte kërcënime në të kaluarën, që thuhej se ishte i lidhur me disa çështje që ai kishte punuar.
Dy burra u paraqitën në Gjykatën e Rrethit Amsterdam për një seancë të Premten e kaluar dhe u mbajtën në paraburgim për dy javë të tjera.
Vendi ku u vra gazetari holandez
g.kosovari
